2024-mi inuusuttut ilinniarnerat suliffeqarnerallu

2024-ip naanerani Kalaallit Nunaanni inuusuttut 16-it 25-llu akornanni ukiullit 4.935-t imaluunniit 68 pct.-ii ilinniarfinnut suliffeqarfinnulluunniit atassuteqarput. Taakkunannga 28 pct.-it efterskolini imaluunniit meeqqat atuarfiannit qaffasinnerusumik ilinniakkamik ingerlatsipput, 41 pct.-illu suliffeqarlutik.

 

2024-mi inuusuttut ilinniakkamik ingerlataqanngitsut suliffeqanngitsulluunniit 31 pct.-inik annertussuseqarput. 2016-imiilli annertussusaat 1 procentpointimik apparsimavoq. Piffissamilu pineqartumi inuusuttut suliffillit annertussusaat 3 procentpointimik qaffassimavoq, inuusuttullu ilinniakkamik ingerlatsisut annertussusaat 2 procentpointimik apparsimalluni.

 

Titartagaq 1. Inuusuttut 16-it 25-llu akornanni ukiullit nalunaarsorsimanerat malillugu, 2016-2024

Najoqqutaq: Naatsorsueqqissaartarfik – kisitsisaataasivimmi kisitsisit takukkit (https://bank.stat.gl/UDNUMG3).

Nalunaarut: Tabelimi inuusuttut Kalaallit Nunaata avataani efterskolertut ilinniakkamillu ingerlatsisut ilanngunneqarput.

 

Inuusuttut sullinniakkat

Saqqummersitami matumani Kalaallit Nunaanni inuusuttut suliffeqarnerat ilinniarnerallu sammineqarpoq. Inuusuttut ilinniakkamik ingerlatsinngitsut imaluunniit suliffeqanngitsut inuusuttunik sullinniakkanik taaneqarput.

 

Inuusuttuni sullinniakkani pineqarput inuusuttut suliffeqanngitsut aammalu suliffissarsiortutut nalunaarsorsimanngitsut. Periaatsimut immikkoortumi nassuiaat malillugu inuusuttut ilinniakkamik ingerlatsisutut nalunaarsorsimasut, Ilinniagaqarnersiuteqartitsivimmili nalunaarsorsimanngitsut, inuusuttunut sullinniakkanut ilanngunneqarput.

 

2024-mi innuttaasut akornanni inuusuttut 7.216-it ataani takutinneqarput. Inuusuttut ilinniakkamik ingerlatsisut saniatigullu suliffillit ilinniakkamik ingerlatsisutuinnaq nalunaarsorneqarput. Ilinniakkamillu ingerlatsisut efterskolernermut, inuusuttunut ilinniarfinnut ingerlariaqqiffiusumillu ilinniarnermut immikkoortiterneqarput.

 

Titartagaq 2. 2024-mi inuusuttunut 16-it 25-llu akornanni ukiulinnut nalunaarsuutit

Najoqqutaq: Naatsorsueqqissaartarfik – kisitsisaataasivimmi kisitsisit takukkit (https://bank.stat.gl/UDNUMG3).

 

Inuusuttuni sullinniakkani inuusuttuaqqat amerlanerupput

2024-mi ilinniakkamik ingerlatsisut annertussusaat ukioqqortusiartorneq malillugu appariarput. 16-iniit 18-inut ukiullit 41 pct.-ii ilinniartuusut 25-nik ukiullit 20 pct.-ii ilinniartuupput.

 

Suliffillit annertussusaat ukioqqortusiartorneq malillugu qaffalaarsimapput. 16-iniit 18-inut ukiullit akornanni 20 pct.-it suliffeqarput, 25-nilli ukiullit 57 pct.-ii suliffeqarlutik.

 

Inuusuttunilu sullinniakkani pineqartut annertussusaat ukioqqortusiartorneq malillugu aamma appariarput. 2024 naanerani 16-iniit 18-inut ukiullit akornanni 40 pct.-it suliffeqaratillu ilinniakkamik ingerlatsinngillat, 25-llu ukiullit akornanni 22 pct.-iullutik.

 

Titartagaq 3. 2024-mi inuusuttut 16-it 25-llu akornanni ukiullit, ukiut nalunaarsugaanerlu malillugit

Najoqqutaq: Naatsorsueqqissaartarfik – kisitsisaataasivimmi kisitsisit takukkit (https://bank.stat.gl/UDNUMG3).

 

Inuusuttunut ilinniarfinni ilinniarsimasut annertussusaat

2024-mi inuusuttut 16-it 25-llu akornanni ukiullit 40 pct.-ii ilinniakkamik ingerlatsipput imaluunniit inuusuttunut ilinniarfimmik naammassinnissimallutik.

 

Titartagaq 4. Inuusuttut 16-it 25-llu akornanni ukiullit inuusuttunut ilinniarfimmik naammassinnissimasut ingerlatsisulluunniit annertussusaat, 2016-2024

Najoqqutaq: Naatsorsueqqissaartarfik – kisitsisaataasivimmi kisitsisit takukkit (https://bank.stat.gl/UDNUMG3).

Nalunaarut: Ilinniakkamik ingerlatsisuni ilinniartut siornatigut inuusuttunut ilinniarfimmik naammassinnissimanngitsut kisimik pineqarput.

 

Inuusuttut sullinniakkat 12-inik ukioqarlutik najugarisaat

Nuna tamakkerlugu agguaqatigiissitsinermut 32 pct.-iusumut naleqqiullugu Qaanaami Tasiilamilu inuusuttut 40 pct.-init annertunerusut inuusuttuni sullinniakkani nalunaarsorsimapput. Qaanaamili inuusuttut sullinniakkat 2017-imi 48 pct.-iniit 2022-mi 41 pct.-inut annikilleriarsimapput.

 

Takussutissiaq 1. Inuusuttut sullinniakkat annertussusaat, 12-inik ukioqarnermi najugarisaat malillugit; 2019-2024

 

2019

2020

2021

2022

2023

2024

Nanortalik ............

34

38

36

34

34

37

Qaqortoq .............

30

28

32

33

29

33

Narsaq ..............

30

29

31

33

35

36

Paamiut ..............

31

33

31

32

34

30

Nuuk ................

27

26

25

25

25

27

Maniitsoq .............

25

28

28

27

27

23

Sisimiut ..............

27

29

27

29

26

28

Kangaatsiaq ...........

31

35

34

32

39

33

Aasiaat ..............

30

30

25

27

32

26

Qasigiannguit ..........

23

24

25

24

27

30

Ilulissat ..............

28

31

33

28

32

32

Qeqertarsuaq ..........

23

27

36

23

29

20

Uummannaq ..........

27

28

31

27

26

34

Upernavik ............

38

42

37

39

41

43

Qaanaaq .............

35

45

40

40

47

50

Tasiilaq ..............

46

49

44

49

46

49

Ittoqqortoormiit .........

24

29

41

36

31

40

Kalaallit Nunaata avataani

31

30

27

26

28

29

Agguaqatigiissillugit .....

30

31

32

31

30

31

Najoqqutaq: Naatsorsueqqissaartarfik – kisitsisaataasivimmi kisitsisit takukkit (https://bank.stat.gl/UDNUMG4).

Nalunaarut: Kisitsisit ersarinnerusunik nalunaaqutsersimasut tassaapput nuna tamakkerlugu agguaqatigiissitsinermiit qaffasinnerusut.